"Diante de cada ser humano están a vida e a morte: o que anceie, iso daráselle"(Ecli 15,17)

"Ditosos os que observan os mandatos do Señor e o procuran de todo corazón" (Sal 119,2)

"O que nin pasou pola mente do home, iso preparou Deus para os que o aman" (1 Cor 2,9b)

”Se o presentares a túa ofrenda lembras que teu irmán ten queixas contra ti deixa a ofrendae vaite primeiro reconciliar co teu irmán” ( Mt 5, 23-24)

IR A FONDO CON XESÚS

1. A ir a fondo nos chama,
Xesús Cristo o bo Pastor,
para atopar mergullada
a forza da comuñón.

2. Máis a fondo no respecto
na graza e valoración,
dos outros, xa nunca alleos,
irmáns en Cristo o Señor.

3. E por iso compartir,
sempre bo trato e honor,
no pensar e no sentir,
irmáns de malos e bos.

4. Máis a fondo en ofrecer
as honras ao Deus amor,
respectando a súa lei
de apoiarnos entre nós.

5. Mesmo diante do inimigo
máis a dentro e máis aló,
do desencontro ou conflito:
nin odio, nin dimisión.

6. Nos desexos ou no sexo,
donos no noso control,
nunca escravos dos devezos
co Alento liberador.

7. Valentes para cortar
co pracer se é corrupción,
pois ha ser máis eficaz
agardar de Deus o don.

8. E nos temas da familia,
un convivir curador
sen ataduras finxidas,
e sen poder ditador.

9. Non manipular a Deus
pretendendo o seu favor,
pois e Pai-Nai e gran Rei
de todos sen excepción.

10. Coma Xesús moi sinxelos,
co si ou non nas cuestións,
buscando sempre sinceros
achegamentos e unións.

11. Xesús con estes consellos
guíanos con decisión,
a gustar o pasto eterno
mesmo en fracasos ou dor.

12. Dáme meu Deus ese Alento,
que a Cristo tanto animou,
que non me poidan os medos,
é hoxe a miña oración.

¡Apertas de domingo!