A UNED Senior Coruña defende a Sanidade Pública
Desde a UNED Sénior Coruña, o 11 de febreiro, día da Virxe de Lourdes para moitas persoas, é unha xornada que fala de esperanza, de coidado e de compromiso coas persoas enfermas e coas súas familias.
Máis alá das crenzas, lembramos que a saúde é un dereito e que precisamos unha SANIDADE PÚBLICA forte, accesible e de calidade para todas e todos.
Celebramos o Día Internacional da Muller e a Nena na Ciencia e o Día da Muller Médica, recoñecendo o labor imprescindible de tantas profesionais que sosteñen o noso sistema sanitario. A ciencia e a medicina avanzan grazas ao talento e á dedicación, pero tamén grazas a unha SANIDADE PÚBLICA que garante igualdade e dignidade. Fronte aos recortes na SANIDADE PÚBLICA, reafirmamos o valor do público, do común e do que nos coida sen distinción.
Desde a UNED Sénior Coruña, seguimos defendendo coñecemento, igualdade e compromiso social.
💜 Porque coidar da saúde é coidar da vida.
