UCIN Galicia, a través do seu coordinador José Luis Calo, exixe ao Estado a realización inmediata de reparacións na ponte de Pontevea, que cruza o río Ulla entre os municipios da Estrada (Pontevedra) e Teo (A Coruña).
A ponte, de orixe medieval e declarado Ben de Interese Cultural (BIC), presenta danos estruturais que poñen en risco a súa integridade e a seguridade das persoas que o utilizan. UCIN Galicia reclama ao Goberno central a execución dun plan integral de mantemento preventivo e correctivo, así como a limpeza e acondicionamento de toda a contorna.
José Luis Calo subliña que "non se trata só de reparar un ponte, senón de protexer o noso patrimonio histórico e garantir a súa difusión cultural en Galicia. A ponte de Pontevea é un emblema da nosa historia e merece conservarse en condicións óptimas para as xeracións futuras".
A formación solicita que as autoridades competentes actúen con urxencia, garantindo a seguridade de veciños e visitantes, e promovendo a valorización do patrimonio como motor cultural e turístico da rexión.
UCIN Galicia comprométese a seguir vixiante para que se cumpran estas demandas, lembrando que a preservación dos bens culturais é un deber de todas as administracións e da sociedade en xeral.
José Luis Calo, Coordinador UCIN Galicia
