A dor dun pobo por riba dos poderes

O cura párroco de MOMÁN chama a poñer no centro o sufrimento do pobo venezolano e a defender a unidade dos pobos fronte á lóxica da forza e da explotación.

Nesta madrugada, o rostro de Venezuela foi golpeado impunemente polo dominio explotador. Non se trata de falar de Trump nin de Maduro, senón de atender ao dor dun pobo que sofre a crueldade de grandes poderes que o pisan e o utilizan para as súas propias conveniencias.

Ao longo da historia, os imperios -desde Roma ata as potencias colonizadoras- repetiron o mesmo esquema: imporse pola forza e desprezar a dignidade dos pobos. Cando isto acontece, o dereito e a xustiza quedan relegados.

Cómpre tomar conciencia de que só a unidade dos pobos, lonxe dos negociados do poder e dos intereses económicos, pode abrir camiños reais de paz continental e mundial.

Hoxe abrazámonos como cidadáns libres dun só mundo, fillos e fillas de Deus, chamados á fraternidade e á construción da paz.

Luis Ángel Rodríguez Patiño, Cura párroco de MOMÁN.