Ucin Ames

Un cargo público debe estar fundamentalmente orientado á representación institucional, o que implica actuar en nome e representación da institución que se ostenta, e non en beneficio propio ou de intereses particulares. Isto implica que a actuación do cargo público debe guiarse polos principios de legalidade, obxectividade, imparcialidade e eficacia, buscando sempre o interese xeral e o cumprimento dos fins públicos. Algo que polo que se ve ao alcalde de Ames, Blas García, con cada obra que proxecta en Ames esquéceselle. Pechada a piscina do Milladoiro, tres anos consecutivos con problemas no maior núcleo poboacional do Concello, só este ano 77.000€ malgastados. Todo un exemplo de como o Goberno de Ames fai un mal uso dos recursos públicos. O Goberno de Ames terá que explicar que fallou nas obras de reparación da Piscina Municipal de Milladoiro. En principio contemplábase reparar o recubrimento das paredes; procedéndose á súa impermeabilización; pero durante a súa execución modificouse o contrato para ampliar os traballos de reparación ao recubrimento do chan da piscina. Tras unha modificación contractual, a finais de marzo deste ano adxudicouse "a dedo" un contrato, cun prazo de execución de dous meses para emendar as deficiencias. Dous anos máis tarde, a reparación fai augas e a chapuza está á vista, a poboación de Milladoiro sen servizo de piscina municipal. Sen esquecernos do "centro multifuncional do Milladoiro", xa coñecido polos cidadáns como o "Gaiás do Milladoiro". Outra reclamación que lle transmiten ao candidato de UCIN, José Luis Calo, ás eleccións municipais de 2027, é a recollida de lixo nos colectores soterrados, pois o goberno decidiu pechalos no Milladoiro sen comunicación á veciñanza. Calo, fai incapié en algo que a longo prazo traerá un gran problema para os cidadáns de Ames, o chiringuito Público "Augas de Ames EPEL" que pagamos todos, sen que supoña nin mellora na prestación do servizo, nin beneficio algún para o veciño. Un chiringuito que empezou a funcionar o ano pasado e cuxo principal logro foi o de converterse en parte da rede clientelar do Goberno de Ames. O partido político, Unión de Cidadáns Independentes, demanda políticas de apoio ao pequeño comercio no Milladoiro, afectado pola "humanización da Av. Rosalía de Castro".