UCIN Santiago de Compostela (Unión de Cidadáns Independentes) nomea coordinador en Santiago de Compostela a Diego Adrián Mallo.
UCIN preséntase ante a cidade como unha nova forza política local, comprometida coa veciñanza e coa realidade do noso municipio. Sen dependencias externas nin intereses alleos, vimos sumar con independencia, con proximidade e con responsabilidade.
Somos un grupo de persoas que coñece de preto Santiago, os seus barrios, o seu rural e as súas necesidades. Apostamos polo traballo serio, o diálogo aberto e a defensa activa da cidadanía compostelá.
UCIN nace como unha alternativa plural, sen dogmas, centrada nas persoas e na mellora continua da cidade.
Sen promesas baleiras, con vontade real de escoitar, propoñer e construír xuntos. Porque Santiago merece máis. Porque a política tamén pode facerse doutra maneira. UCIN Santiago de Compostela ao teu carón.
