Que pasaría se o madrileño fose un idioma?

Todos sabemos do nacionalismo exacerbado da señora Ayuso que lle serve moitas veces para facer fume sobre o que lle interesa. A última performance témola en proceso a esta hora 13:08 do venres 6 de xuño. Ayuso decide irse da Conferencia de Presidentes cando se fala en calquera dos idiomas cooficiais e constitucionais. A falta de respecto e de sensibilidade é meridiana. Claro que, pedirlle sensibilidade a esta persoa é como pedirlle a un toxo que cando o toques non te espiñe.

A reflexión que quería facer é a seguinte: dado o ultranacionalismo que caracteriza a Ayuso e aos seus secuaces, que pasaría se o madrileño fose un idioma? Renunciarían a el? Impoñeríanno a toda España? Estaría en todos os currículos das CCAA? Os fodechinchos virían a Galicia a impoñer o madrileño?