Toca superarse

Por moito que nos pese a carga que nos toque levar en cada momento da vida; toca superarse ata o derradeiro instante.
Na vida hai momentos para todo.
Hai momentos fáciles e momentos difíciles.
OS MOMENTOS FÁCILES NON OS VALORAMOS COMO É DEBIDO:
-Parécenos normal ter boa saúde física.
-Parécenos normal ter unha intelixencia brilante.
-Parécenos normal ter unha familia estupenda.
-Parécenos normal ter acceso á educación gratuita.
-Parécenos normal ter unha sanidade púbica e gratuita para todos.
-Parécenos normal, ós católicos, ter misa e asistencia espiritual.
-Parécenos normal disfrutar dos servizos sociais.
-Parécenos normal disfrutar de seguridade cidadá.
-Parécenos normal ter calidade de vida.
-¡Parécennos normais tantas cousas!
UNHA COUSA É O QUE DESEXAMOS E OUTRA A REALIDADE QUE NOS TOQUE VIVIR:
-Non sempre disfrutamos de boa saúde porque somos fráxiles por natureza; pero se temos acceso á asistencia sanitaria e se alguén nos bota unha man: xa somos uns afortunados.
Moitas persoas non gozan dese dereito que a nós nos parece tan fundamental.
E non sempre sabemos valorar e agradecer o que fai o personal sanitario por coidarnos.
A min dóeme a alma cando vexo nas noticias que algúns sanitarios son agredidios.
Deben ser persoas en situación desesperada ou fóra de sí; pero...
-AS INTELIXENCIAS NON SON TODAS BRILANTES.
Incluso hai persoas que teñen un cociente intelectual moi baixo.
Ninguén pode elixir.
Trátase de agradecer e desenvolver da mellor maneira as capacidades que se nos regalan.
O peor é cando non aproveitamos os nosos talentos e perdemos oportunidades maravillosas que nos presenta a vida.
E o peor de todo é cando os empregamos para facer cousas malas porque permitimos a entrada do demo no noso corazón.
En calquera caso sempre cabe a posibilidade de superarse para sentírmonos mellor e progresar adecuadamente.
AS FAMILIAS NON SON PERFECTAS
Todas ou case todas teñen fallos.
Pero feliz o que ten unha familia que amar e en quen apoiarse.
Moitas persoas no teñen familia e teñen que abrirse camiño elas soíñas.
Tamén se dan casos de persoas que teñen familia, sobre todo anciáns que deron o mellor de sí, e encóntranse sós.
Son momentos duros que hai que afrontar da mellor maneira posible.
Grazas que a Providencia sempre pon algunhas almas caritativas que axudan no que poden.
QUEIXÁMONOS DA EDUCACIÓN E DA SANIDADE
Claro: a educación ten defectos e a sanidae tamén.
¿Qué actividade humana non os ten?
¿Qué facemos por melloralas?
Toca superarse e moito; pero preguntémonos:
¿Cantos desexarían telas como as temos nós?
TAMÉN NOS QUEIXAMOS DA IGREXA CATÓLICA
Quéixanse os ateos e as súas razóns terán.
Pero...
¿Por qué nos queixamos os crentes?
Queixámonos; pero non sempre acudimos ós actos de culto.
Queixámonos e moitas veces non cumprimos co básico que se nos aconsella cumprir.
De nada valen as queixas se non cumprimos e non somos coherentes coa nosa fe.
Teremos que superarnos e dar exemplos acordes coa Lei de Deus que levamos grabada nos nosos corazóns e coa doutrina que a Igrexa Católica nos ensina.
Coa axuda de Deus poderemos conseguilo; pero temos que poñer o que corresponde da nosa parte.
Moitas persoas non teñen vida parroquial, por falta de ministros da Palabra de Deus, e desexarían tela.
¿QUE DICIR DOS SERVIZOS SOCIAIS E DA SEGURIDADE CIDADÁ?
Que son insuficientes, si; pero moi bos tamén.
Se non fora pola súa valiosa axuda, moito peor estaríamos.
Deberíamos ser máis positivos e poñer algo máis da nosa parte.
CÓMPRE SUPERARSE
Só aportando o noso grao de area poderemos camiñar cara a un futuro prometedor.
Aínda temos reservas no noso haber para facer fronte con tesón e valentía a moitos retos pendientes.
"TESÓN E VALENTÍA"
Este será o título do seguinte artigo.
Moitas grazas por terme na súa consideración nesta ocasión.