Eficiencia ou servizo público

Veño de saber de protestas nunha pequena vila pola que transcorre un dos camiños de Santiago ante a falla de servizo médico. Vou ser ben pensado e supoñer que será cousa breve pero lévame a cavilar: para un Servizo público o primordial son as persoas ou a eficiencia? Pensemos en dereitos conquistados, en repoboar o despoboado, no Estado Social e de Dereito da Constitución que nos consagra "iguais" aínda que teñamos a triste certeza de non selo.

O xusto sería que vivir no rural non fose punido nun país de alma rural. Sempre e cando non se queira converter dito país nunha toxeira infinita.