Ex Voto da Igrexa de Farban

Nestas celebracións da Semana Santa preséntovos un exvoto que se garda na igrexa de Santiago de Farbán. Esta xoia (única que saibamos na comarca) é unha táboa pintada na que se narra o "miragre" acontencido con un veciño de Ribela que levando pedras en carreto para as obras da igrexa parroquial viu como o seu carro, a xugada e as pedras baixaron a roladas pola ribeura de Cervos (parroquia de Barbadelo), sen haber dano ningún. O Santo Cristo de Farbán gozóu de fama como facedor de miragres en toda a contorna e o párroco de Santa Mariña, Farbán e Castelo dos Infantes don Froilán de Otero e Lemos (no derradeiro terzo do século XVIII ) foi o máis decidido promotor desa devoción, que corréu parella coa do Santo Cristo de Goián, na Costa do Páramo.