Somos unha peza clave

So foramos conscientes de que somos unha peza clave no lugar e no estado en que nos encontramos, seguramente seríamos máis coherentes coas nosas funcións.
No puzle da vida, cada persoa ten un lugar, un tempo e unha misión.
Non se nos pide permiso para vir a esta vida.
É un misterio: o milagre da vida.
Pero unha vez que chegamos, chegamos para algo importante.
Algo de suma importancia para nós e para os outros.
Non importa a idade, nin a situación económica, nin o nivel académico, nin a raza, nin a lingua, nin a relixión.
Todos somos unha peza clave no puzle da vida.
Para os crentes a nosa clave é amar como Deus nos ama.
O AMOR É UNHA CHAVE MESTRA PARA TODO
Unha chave que abre corazóns.
Unha chave que abre moitas portas na vida.
Gardamos moito amor nos nosos corazóns que, se non o usamos, caduca.
Se o usamos podemos considerarnos pedras vivas para construir un mundo mellor.
Se non o usamos, estamos contribuíndo consciente ou inconscientemente a que o mundo vaia peor.
TODOS QUEREMOS UN MUNDO MELLOR
¿Queremos que nolo constrúan os outros?
¿Temos algo que apotar?
Todos temos algo positivo para aportar:
- A nosa mirada para mirar con dozura.
- Os nosos oídos para escoitar a quen necesita comunicarse con nós.
- A nosa lingua para ter unha palabra amable, unha palabra de ánimo, unha palabra de paz, unha palabra de esperanza, unha palabra de consolo, unha palabra de amor.
- As nosas mans para traballar, para abrazar, para axudar, para acariciar, para socorrer, para ofrecer...
- Os nosos pés para ir con dilixencia alí onde nos necesiten.
- A nosa intelixencia para aprender nós mesmos e ensinar a quen precise a nosa axuda.
- As nosas facultades mentais para aprender, para aconsellar, para asesorar, para amar.
SOMOS UNHA PEZA CLAVE
- Unha peza clave na nosa vida persoal.
Se non somos bos con nós mesmos... ¿con quen seremos?
- Unha peza clave no seo da nosa familia porque conta con nós.
- Unha peza clave para as nosas amistades: necesítannos e necesitámolas
- Unha peza clave para o noso posto de traballo porque del depende o benestar persoal e social.
- Unha peza clave na vida social para formar comunidade.
- Unha peza clave no plan de Deus para os crentes, porque somos fillos de Deus.
CONTAN CON NÓS
- A familia conta con nós e por eso nos educa con todo o esmero que pode para que sexamos piares nos que poida apoiarse.
- O vecindario conta con nós, por eso é tan importante e satisfactorio saber que podemos axudarnos mutuamente.
- O noso país conta con nós como contribuíntes a tódolos niveis porque entre todos podemos conseguir grandes logros e ser un referente mundial.
- O mundo enteiro conta con nós porque somos pezas claves no puzle mundial.
¿QUE PASA CANDO PERDEMOS UNHA PEZA DO PUZLE?
A todos nos pasou algunha vez: encontrarnos facendo un puzle precioso, moi importante para nós e...
¡Encontrarnos que nos falta unha peza!
¡Qué mal nos senta!
Poñémonos a buscala e non descansamos ata encontrala e ver o puzle rematado: un goce para a vista e para o corazón.
¿NON SOMOS NÓS MÁIS IMPORTANTES QUE A PEZA DO PUZLE?
Claro que si.
Infinitamente máis importantes.
Daquela podemos comprender que, por pouco válidos que nos consideremos, sempre valemos moito.
- A infancia vale moito porque representa o futuro da humanidade.
- A xuventude vale moito porque promete prosperidade.
- Os adultos valen moito porque son o soporte das outras etapas da vida.
- A senectude vale moito porque deixa dado o mellor de sí e, se as facultades mentais llo permiten, segue asesorando con sabedoría e experiencia á xente nova.
TODOS VALEMOS MÁIS DO QUE PENSAMOS
Viñemos a este mundo para cumplir unha misión.
Non importa cal, tódalas misións teñen moita importancia.
Todos nos necesitamos mutuamente.
Todos aportamos a nosa pinga de auga ó océno da vida.
Se falta a nosa pinga, o océanos está incompleto.
"POR NÓS QUE NON QUEDE"
Este será o título do seguinte artigo.
Moitas grazas por terme na súa consideración nesta ocasión.