¿Cursos de reciclaxe?

Todos sabemos que estamos na era industrial e na tecnolóxica.
A industria ofrécenos novos productos porque avanza cada día...
As empresas importantes precisan poñe-lo personal ó día e vense obrigadas a facer cursos de reciclaxe.
O profesorado está constantemente facendo cursos de actualización para descubrir novos métodos de ensino.
Os profesionais da medicina tamén teñen que estar reciclándose constantemente para controlar o avance das enfermidades.
Todos temos que poñernos ó día se non queremos quedar á marxe.
E pregúntome eu:
¿Non é a educación dos fillos unha empresa moi importante?
A min paréceme que si.
Daquela:
¿Qué pasaría se foran posibles: cursos de preparación e reciclaxe para proxenitores?
¿CURSOS DE RECICLAXE OBRIGATORIOS PARA PROXENITORES?
¿Poderían ser obrigatorios?
¿Poderían pagarse con fondos públicos?
¿Sería unha boa inversión?
¿Non é a familia a primeira empresa?
¿Non é na familia onde se forxa a personalidade dos cidadáns do futuro?
A FAMILIA: UNHA EMPRESA DE GRAN EMBERGADURA
Para acceder á maioría dos postos de trabllo esíxese unha preparación previa.
¿E para fundar unha familia?
¿Non fai falta nada para fundar unha familia?
¿Non estaremos confundindo a madurez sexual coa madurez afectiva e mental?
A Igrexa Católica esixe uns cursos prematrimoniais, entre un home e unha muller antes de contraer matromonio canónico.
Pode que sexan insuficientes; pero poden mellorarse.
O estado no esixe nada, tan só a maioría de idade, ós 16 anos para os que queren optar polo matrimonio civil.
Pero moitos deciden ir a vivir xuntos sen máis requisito que a fogosidade do momento.
De modo que danse situacións de convivencia entre persoas que poden ser: heterosexais, homosexuais, monógamas, polígamas, etc
E cando a fogosidade se acaba, din que rematou o amor.
¿Houboo nalgún momento?
O amor é algo moi serio.
FUNDAR UNHA FAMILIA É MOITO MÁIS MPORTANTE.
Ultimamente estamos tomando este tema moito á lixeira.
Así a familia perde intensidade.
E, se a familia se desmorona, a sociedade, tamén.
FAMILIAS EN SERIO
Tamén as hai, afortunadamente.
Son as parellas que se plantexan a vida compartida para toda a vida.
Cando se trata de crentes, selan o matrimonio co Sacramento que lles dará forzas para educar os fillos para amar a Deus e ó próximo.
A Igrexa vailles ofrecendo axuda a través da Palabra de Deus.
Pero aínda así, a educación dos fillos pode ter lagoas.
Non basta con querer moito ós fillos, nin con deixarse a pel traballando para que non lles falte de nada.
HAI QUE ENTRENALOS PARA A VIDA DESDE A MÁIS TENRA INFANCIA.
A vida é un regalo maravilloso; pero de doado, non ten nada.
Hoxe en día a vida ten máis esixencias e complicacións que nunca.
Cómpre unha preparación a conciencia para non caer en multitude de tentacións que nos presenta o mundo actual.
Ser proxenitor/a responsable necesita estar moi ó tanto dos perigos e das esixencias destes tempos.
TODO TEN CONSECUENCIAS
Se dámos prioridade ó ter e non ó SER, mal vamos.
Nestes tempos queremos ter dereitos sen os correspondentes deberes.
Eso é imposible.
Deberes e dereitos son as dúas caras da moeda de vida.
CÓMPRE TELO EN CONTA PARA IR CORREXINDO ERROS:
-Educar para compartir e non para competir.
-Educar para o sacrificio e desterrar o hedonismo.
-Educar para compartir os roles no fogar.
-Educar para valorar ós superiores por múltiples razóns.
-Educar para a convivencia tanto no fogar como fóra.
-Educar para practica-las virtudes de toda a vida, dando prioridade á caridade.
-Educar para ser altruistas e xenerosos uns cos outros.
-Educar para respectar o espazo de cada persoa, para que poida realizarse.
-Educar para cumprir cos deberes para poder ter dereitos.
Se cumprimos cos deberes, tamén podemos esisxir os dereitos correspondentes.
"DEBERES E DEREITOS"
Este será o título do seguinte artigo.
Moitas grazas por terme na súa consideración nesta ocasión.