Tornando ao tema central, ao do ensino público.
O carácter reaccionario das prácticas educativas franquistas e a súa oposición a calquera innovación pedagóxica pódese observar neste discurso pronunciado polo Tenente de Alcalde de Cultura do Axuntamento de Barcelona aos mestres asistentes a un "Cursillo de Orientación" celebrado en setembro do ano 1939:
"Se ha de lograr la transformación entera de aquel Magisterio que se llamó español, sin serlo más que por residencia, porque prescindía de la luz que irradiaban los propios pedagogos nacionales como Luis Vives, San José de Calasanz, San Ignacio de Loyola y el moderno Padre Manjón, y buscaba ser reflejo de las orientaciones extranjeras de los Pestalozzi y de los Froebel, de los Decroly y de los Montessori; de aquel lastimoso Magisterio que se inspiró exclusivamente en los principios de la revolución francesa, de la libertad, de la igualdad y la fraternidad, a través de los cuales llegó a la escuela sin Dios..." ¡Menos mal que morreu Franco, e con el a súa Dictadura, pois, de non ser así, hoxe seríamos máis mouros que cristiáns!
A depuración franquista, o seu "aceite de ricino" (purgante das purgas da Falange), concretamente no noso Lugo, baleirou as escolas, ¡case a feito!, que pasou a "okupalas" un exército de arañas.
Aquela ¿depuración, ou envelenamento?, alcanzou a docentes, alumnos, libros de texto e bibliotecas escolares, aínda que a intención fundamental das novas ¿autoridades? dirixiuse máis ben á eliminación do persoal docente incorporado durante a II República.
Isto, no persoal, foi un regalo, inesperado, non calculado pola Ditadura, para as novas estudantes, pois, de "normalizadas", as rapazas tiveron vacantes, a esgalla, tal que nesa promoción na que se promocionou a miña dona. ¿Querían ás mulleres, "pata quebrada e na casa"? ¡Pois resultoulles ao revés, que as constituíron en..., instrutoras!
Mirade se lles corría presa aos franquistas a súa ¿depuración? que xa a estableceron o 8 de novembro do ano 1936, ¡recén alzados!, cun decreto que sentou as bases do procedemento a seguir..., para gadaña-la cultura! ¿Quen sementara, quen cultivaba? Maiormente o art.48 da Constitución do 31, que comezaba así, razoando e comprometéndose: "El servicio de la cultura es atribución esencial del Estado, y lo prestará mediante instituciones educativas enlazadas por el sistema de la escuela unificada. La enseñanza primaria será gratuita y obligatoria. Los maestros, profesores y catedráticos de la enseñanza oficial son funcionarios públicos. La libertad de cátedra queda reconocida y garantizada. La República legislará en el sentido de facilitar a los españoles económicamente necesitados el acceso a todos los grados de enseñanza, a fin de que no se halle condicionado más que por la aptitud y la vocación, etc."
¿Cantos caeron, cantos mestres estorbaban? Fusilados, en Galicia, 87. ¿E depurados, expulsados e/ou castigados? ¡As estatísticas non coinciden, pero foron moitos, moitísimos! ¡Poucos máis se libraron cós que entraron en quintas, pois na fronte servíanlles todos, morenos ou roibos, morados ou azuis, pero non así nas escolas, dotadas, atendidas, con aqueles malditos que ensinaban a pensar! Comezaron a depurar polos inspectores, por brillantes que fosen, tal que José Ramón Fernández Oxea; pero se non me credes, ás probas me remito:
¡Ai pobre Ben-Cho-Shey, que coidabas que o sabías todo; se cadra foi por iso, por saber moito, de África e de España, que lles estorbabas aos fusileiros, máis devotos do fusil que do pizarrín!
-.-
Esta ¿Resolución? da Junta Técnica del Estado, típica da época, no expediente do noso José Ramón Fernández Ojea, á sazón Inspector de "primera enseñanza" de Lugo, que nos quedou evidenciada nesa fotocopia, cólgalle a O'Shea o sambenito de "... suspender de empleo y sueldo durante el plazo de tres meses a don José Ramón Fernández Ojea, inhabilitarle para el desempeño de cargos directivos y de confianza en instituciones culturales y de enseñanza, y trasladarle a la plantilla de la inspección de Cáceres donde se incorporará transcurridos los tres meses de suspensión de empleo y sueldo. Burgos, 25 de mayo de 1937".
De Ben-Cho-Shey teño unha lembranza especial, del e da súa sobriña Carmina Cerrada Algarra, que me foron presentados en Madrid, no Centro Gallego, (entón era Presidente o General Lobo Montero), todos eles grandes animadores daquelas ¿tertulias?.
-.- Gómez Vilabella, Xosé M.
