As escolas no franquismo (6)

A aprendizaxe doméstica, a individual, esas escolas da comunicabilidade, tanto a familiar como a veciñal, nos primeiros anos do franquismo foron..., de clausura!

Nin que dicir ten que predominou o mutismo; e as ansias naturais da infancia por unha comunicabilidade ampla, aberta, frustráronse. ¡Foi un drama xeracional, que anubrou o avance da nosa cultura! No que houbo algo de comunicabilidade foi no retorno dos emigrantes, moitos e deles exiliados, que todo por aló ampliaron coñecementos e compartíronos no seu retorno, ¡os poucos que retornaron!

Fóra das verbas concernentes ao traballo, doméstico e cotián, todo era perigoso: ¡Nin che dicían, nin se atrevían a dicir, non fose o diaño que os comentarios escapasen, saísen das lareiras para entrar no forno do veciño, multiplicándose ou deformándose, segundo quen, como e cando, co que se fomentaban as acusacións heterodoxas, tan bélicas, tan perigosas, naqueles tempos. ¿Quen era o teu inimigo? ¡Para comezar, o amigo da porta!

Naquelas circunstancias, o raquitismo mental foi deprimente. Hoxe en día, cos avances democráticos, coa cultura globalizada na que estamos entrando, rememorar aquilo soa a lenda imaxinativa, pero, ¡a verdade!, é que existiu, e freou aquel avance cultural e mental que nos trouxera a II República. Aos nenos dos anos 30 e 40 había que chamarnos "A Xeración das fames", tanto da física como da intelectual.

-.-
O endiosamento e mailo machismo chegaron, e entraron ¡tamén! nas escolas.

"El padre es cabeza de la mujer como Cristo es cabeza de la Iglesia. La cabeza tiene una nobleza específica que no tienen las demás partes del cuerpo. Cristo tiene una dignidad superior a todos los miembros de la Iglesia y a cada uno de ellos. La esposa tiene el carácter de auxiliar (...) El hombre tiene por regla general, mayor vigor físico y mental (...) En todas la naciones, salvajes y civilizadas, la autoridad doméstica corresponde al padre"

Cardenal Gomá. ABELLA, R., La vida cotidiana bajo el Régimen de Franco. Madrid, Temas de Hoy, 1996, Pág. 356.

Incorporando á miña experiencia persoal o criterio duns cantos analistas políticos que teño por obxectivos, por imparciais.

O autoritarismo foi un dos trazos esenciais do réxime franquista do que formou parte o noso sistema educativo. Por iso se fala da escola autoritaria e incluso da escola cuartel, (¡na de Maxide, na época de don Jesús Rojo López, o mestre, no recreo, dábanos (aos nenos) instrución premilitar, en vez de ximnasia!), na que os principios que rexían a relación entre mestres e alumnos eran os de unidade, xerarquía, obediencia e disciplina.

-Avoíño, estasme falando daquela instrución premilitar das escolas, pero volve a referirme a ¿odisea? do Cara al Sol, que tanta rabia che daba... Xa me tes contado o percance do paniño de Romanones, pero..., lembrar aquela ¿traxicomedia? Faime moita graza.

-Non teño inconveniente, pois, tempo adiante, incluso lle tirei unha foto. Non a teño aquí, pero podemos aproveitar unha das que saíron en Internet. O orixinal deixeino quedar naquel armario do cuarto vello...

Daquela nos xoves só tiñamos escola polas mañás, pero don Jesús, ¡e os outros Mestres farían outro tanto!, non nos deixaba saír sen cantar, a coro, o famoso Cara al Sol.

-A letra dese himno paréceme un disparate, pero, dime que ten que ver iso co simbolismo daquel pano?

-Verás! Ante todo, e para mellor entender a Falanxe, non esquezas que José Antonio foi un vingador da honra de seu pai; pois, se el fixo iso, nós, parentes, por familia política, dos Salmerón, tamén me sentín coa obriga de defender a honra de quen tivo os bemoles de negarse a firmar sentenzas de morte.

A semente do Cara al Sol: No estreno da película La bandera, José Antonio Primo de Rivera convocou a outros falanxistas, como María Jesús Mora, Rafael Sánchez Mazas, José María Alfaro y Dionisio Ridruejo, para unha reunión no bar madrileño La Cueva del Or-kompon, sito na calle Miguel Moya, 4.
O 3 de decembro do 1935 reuniuse a chamada escuadra de poetas, composta por José Antonio Primo de Rivera, José María Alfaro, Agustín de Foxá, Dionisio Ridruejo, Pedro Mourlane Michelena, Jacinto Miquelarena, Rafael Sánchez Mazas y el marqués de Bolarque.
A directriz de Primo de Rivera foi clara: "Nuestro himno debe ser una canción alegre, exenta de odio, pero a la vez de guerra y amor. Haremos una estrofa a la novia, después una alusión a la guardia eterna en las estrellas, y luego otra a la victoria y la paz".
Erudicións á parte, direiche que, aquel xoves, na escola, a media canción, tirei de paniño e púxenme a sonarme escandalosamente Na saída dixome don Jesús: -Ti, quédate. Despois de comer volverei para abrirche a porta, pero mentres, ¡castigado!". Non me deu máis explicación, que tampouco facían falta.
Un minuto despois de pecharme a porta, eu abrin unha daquelas ventás que daban ao horto de Candal, ¡e saín, tireime fóra! Xa na casa conteillo a me pai, e canto me dixo foi:
- "Pintouche ben; para que aprendas a ser prudente..., mentras teñamos ditadura!".
- ¿E túa nai; a bisavoa?
- Cando falaba meu pai ela sempre calaba..., que por algo fora a súa alumna na escola dos Piñeiro, en Luaces.
O neto tamén calou, así que eu seguín co tema central.

"La escuela de los años 40'... Respecto a la edad en la que comenzaban el colegio era alrededor de los seis y siete años, e incluso muchos de ellos no acudían, ya que era mucho más importante  mantener la familia y los padres preferían que sus hijos trabajasen en el campo antes que ir a la escuela. 
Tenían un sólo profesor, el cual impartía todas las asignaturas. Entre ellas destacaban: Lengua Española, Geometría, Aritmética, Historia de España o Ciencias de la Naturaleza. No estudiaban ninguna lengua extranjera, ya que lo más importante era el nacionalismo español; la Religión y la Historia Española.
Se recuerda al profesor como alguien muy autoritario y respetado. Los alumnos eran castigados físicamente cuando no cumplían las normas impuestas en el aula.
La religión estaba vigente en el día a día, debían rezar al entrar y al salir del aula, al igual que tenían la obligación de saludar al profesor cuando entraba a clase.
Los materiales que utilizaba el alumnado eran muy básicos: lápiz, goma de borrar y la enciclopedia donde se encontraban todas las asignaturas, por último una cartilla con la cual aprendían a leer". (1) Irene Manzanero Villanueva.

NOTA:
(1) E na nosa Galicia, tan pizarreira que é, a clásica pizarra, cos seus pizarriños!