Crónica dunha guerra (12)

13-04-1999
Pola mañá está a falar en Oslo, o ministro de asuntos exteriores ruso Ivanov e a colega Americana Madeleine Albrigt. Todos pendentes desta reunión, Sigo sen recibir o periódico "A Nosa Terra", e sigo a dicir que en toda Europa hai unha censura, que a democracia pasou a mellor vida, e que os medios pasan o que poden, non o que queren, da oposición que hai, apenas din nada. Todo é pasar as reunións dos salvadores da patria europea e da americana. Dá noxo o que se está a ver, e volvo a repetir que se están a dar as mesmas circunstancias de 2ª guerra mundial. Os fascistas colocáronse a careta de demócratas e humanitarios, e sendo eles os agresores e imperialistas, chámanlle ditador e fascista a Milosevic. O colmo do colmo. Imos ver que sae da reunión de Oslo.