Pepe Mujica na 'Zamba de los humildes'
Santalla, Iago - miércoles, 15 de enero de 2025
Mercedes Sosa cantaba, coa súa voz eterna, a "Zamba de los humildes". A súa voz libertaria consegue proxectar esa esperanza que ela esperaba cantando. A letra é unha emoción e quizais debera ser un espello no que toda persoa que queira estar en política debera verse reflectida. En cambio, que poucas señorías vemos nese espello.
Agora, esta zamba perde un reflexo limpo e puro: Pepe Mujica anuncia que ten cancro de esófago xa estendido e pide morrer tranquilo e en intimidade. Ben o merece quen se vai sen sucumbir ás soberbias do poder, quen gobernou dende a absoluta humildade e quen mantivo o máis sagrado do ser humano: a palabra.
Deu e non esperou, soubo chegar e soubo irse. Mudou vidas sen cambiar a súa. Non lle fixeron falla grandes traxes nin séquitos nin gamas altas. Un filósofo da vida que só na palabra tiña tesouros de pensamentos espellados en coherencia vital.
Vaise Pepe Mujica e é xusto pensar quen, en que parlamento, dende que escano se escoitará a "Zamba de los humildes". Fica o exemplo:
Como un canto de la tierra
Hay que cantar esta zamba
Hermana de los humildes
Sembradora de esperanzas
Alzada raiz de sangre
Del fondo de la guitarra
Que veñan humildes que soberbios temos de sobra.

Santalla, Iago
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora