Onde saían os atracadores? Da Feira de Moeche
Outro día tamén fomos a muller e mais eu á feira a Moeche, que está aló por debaixo do pobo, celébrase
dentro de dúas naves grandes, nunha está a feira de vacas e noutra a das bestas.
Entramos a muller e mais eu na nave das vacas o día 14 ou o 29 do ano 1.967 aproximadamente e veu a xunto nosa un señor de Martiñán, que está perto a Gontán e díxonos:
- Déixame unhas 100.000 pesetas porque agora mesmo me roubaron 150.000 que traía no peto do pantalón.
O señor que me pediu os cartos era un tratante moi coñecido en Martiñán. Voume eu e botei man á carteira e deille o que me pediu porque o home fixera varias compras e necesitaba os cartos para facer os seus pagos correspondentes.
Suponse que foran os da camarilla do Alto do Castaño, dos que xa falamos.
Aos poucos días, vímonos noutra feira e devolveume as cen mil pesetas que lle emprestara.
Texto: Xosé Otero Canto
Ilustracións: María Guerrero
