Onde saían os atracadores? Da feira de Monforte
Un día iamos a miña muller e máis eu... fomos á feira de Monforte, que é o 4 e o 24 de cada mes. Isto que vos vou contar ocorre polos anos sesenta do século pasado. Veu a xunto nosa un home da camarilla dos ladróns e díxonos.
- Ides... ao entrar na feira do gando, que teño alí a dous compañeiros sacándolles os cartos aos que os levan,
tomade estes cartos -eran unhas 700 pesetas aproximadamente- e decídeslles que se larguen, que llelo digo eu, porque xa se sabe aquí no alto da feira que somos nós.
Eran moi coñecidos estes atracadores por todas as feiras, chamábanse os do Alto de Castaño, de xunto a Ferrol.
A muller e máis eu fomos e chegamos a xunto deles que estaban á entrada da feira tal e como nos dixera o seu "compinche", démoslle os cartos que nos dera el e dixémoslle o que nos dixeran.
- Oídes, oh! Divos o voso compañeiro que vos marchedes inmediatamente porque xa se sabe no alto da feira que sodes vós os que andades roubando. Tomade este diñeiro que me deu para vosoutros.
Eles colleron o diñeiro e largáronse inmediatamente porque andaba tras deles a garda civil, quedando a muller e mais eu pasmados polo compromiso, pero axudar a un ladrón, ás veces é convinte, sobre todo para que non te rouben a ti.
Texto: Xosé Otero Canto
Ilustracións: María Guerrero
