Opinión en Galicia

Buscador


autor opinión

Editorial

Ver todos los editoriales »

Archivo

Sen pena nin groria

lunes, 08 de junio de 2009
A romaría foise co día. Xa o noso refrán afirma que “pasou o día, pasou a romaría”. Todo é efímero e polo tanto tamén a paupérrima campaña electoral, os floxos argumentos empregados, o escaso ánimo do electorado, a xornada gris das eleccións, e o resultado que contenta a case todos: Uns, porque se declaran satisfeitos vencedores; outros, porque pensan que puido ser peor.

Despois dunhas eleccións, a tentación informativa é a de animar ós gañadores a disfrutar do triunfo traballando, e ós perdedores a apoiar a acción gobernante loitando noblemente polo voto no futuro.

Neste caso é máis difícil. Tanto nos alonxaron de Europa estando dentro dela; tanto se alonxaron de nós, sendo os nosos representantes; tanto nos furtaron a representatividade e a información sendo nós europeos de pleno dereito aínda que parezamos europeos a distancia, que cumpridos co noso deber electoral, obtido o resultado previsible e coñecido, nin siquiera agardamos que fagan un traballo brillante. Gostaríanos que fixesen todos un traballo mínimo que xustificase a súa presencia, a nosa preocupación, e as nosas necesidades. E que alguén se esforzase por facérnolo saber.

Porque o goberno do Estado xa se preocupa en que asumir que o primeiro semestre de 2010 vai ser o Presidente español o titular da Unión Europea, cos correspondentes fastos e o xa anunciado parangón cunha conxunción planetaria anunciado por unha destacada militante do Partido socialista.

Non será doado en casos así barrer para a casa, pero conformarianos saber que a casa está ben representada, e que os deputados europeos elixidos esste domingo se preocupan polo seu traballo e por nós.

A xornada pasou sen pena nin groria. Agardemos que os nosos representantes non pasen do seu papel.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania