Brindos ó verán de Carqueixeda
jueves, 07 de mayo de 2009
Brindo á menciña natal
posta ao verán floreada,
en Carqueixeda da calma,
sombra da rebola mansa.
Brindo, canto, namorado,
ás veas das súas augas.
Carqueixeda e seu vivir
espertan á mesma alma.
Follas de coitelos finos
poden ferir sen medida,
que se estás en Carqueixeda
no profundo cicatrizan.
Sangue, no sangue callada,
vencida na loita fera.
Só é posible e seguro
nun estar de Carqueixeda.
As fervenzas da cabeza
contéñense serenadas.
Carqueixa de Carqueixeda,
bebida en lúas trenzadas.
A aserción popular,
é certeza comprobada.
Carqueixas de Carqueixeda,
en xexún han ser groladas.
O remedio natural,
no oval da taza chea.
Nun aspiro ou nun pasar,
carqueixas de Carqueixeda.
Gzlez.Vigo, Marcial
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
