Apoio a Cántigas da Terra e á cidadanía da Coruña

A noite do xoves ao venres arderon 4 colectores na Coruña. Hai persoas intoxicadas e danos inmobiliarios, sendo o local de Cántigas da Terra un dos afectados. Recoñecendo que me impactou o de Cántigas, quero amosar a miña solidariedade con todas as vítimas e coa cidadanía que ve en perigo o que é seu e a propia integridade.

Por outra parte haberá que ver quen está queimando e dirimir responsabilidades pero este é un dano terrible ás traballadoras e traballadores, que ven como o vandalismo fai cinsas a súa causa. Ningunha folga ten dereito a poñer en risco unha soa vida. Por outra parte toda folga necesita ter o apoio, a comprensión e o agarimo do pobo. Polo tanto, diríalle ao comité: cavilade na vosa razón de ser, condenade os actos (ou seguídeos condenando...) e procurade conquistar a cidadanía porque é ela a que está en risco e é ela a que vai crear un relato que, se cadra, ides perdendo...