Dinme que morrín e vivo estou
Cabada Castro, Manuel - jueves, 01 de agosto de 2024
Os que aquí moran dinme que morrín.
Que tal cousa ocorrera eu non sabía
por máis que lembre aquela noite fría
cando ó eu volver a casa caín.
Atópome no entanto agora onda min
e o belo infinito é xa cousa miña.
Na morte pensando pasei a vida,
aínda que ben sei esta non ter fin.
Entes sermos para a morte dicía
un moi sisudo pensante alemán.
Foime esa idea sempre peregrina.
Non el sabía que en todo escintilan,
no fondo tamén de min e de ti,
lumes ceibos de toda anoitecida?
Cabada Castro, Manuel
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
