Non me salves por favor

Altri saca da chisteira que no kilómetro 0 do seu proxecto hai un 25% de analfabetismo e que veñen paliar a situación. Non sei se a análise conta coa poboación que vai fixar a empresa. Se é así non debe de ser moi estudada.

A nova dá que pensar: pode ser que buscara unha poboación manipulable e se atopara cunha contestación que agora hai que denigrar?

Se cadra é que o pobo gaña en ética, sabe que é o mesianismo e foxe del como gato escaldado da auga fervida.

Agora ben, os datos seguro que lles dan rédito porque aquí a falsidade cotiza en bolsa.

A min, por favor, non me salven da beleza dun paraíso comando polas augas nidias, frescas, limpas e agarimosas do Ulla.