É que o fútbol é así!
Cabada Castro, Manuel - martes, 23 de julio de 2024
Pero vaia, meu amigo,
como estás así a falar!
Cousa seria debe ser
cando isto cheo está.
Todos ollan un queixón.
Mozos nel de aquí pra alá
sen parar tras un balón.
No che sei por que o fan!
Algo mal debeu facer,
pois non o deixan en paz!
Da escena fuxiu agora,
mais vólveno patear!
E a cousa así vai e vén
ata que -berros ao ar!-
liscou -ben listo che é-
dun que o tiña que parar!
Dinme que porteiro o chaman,
mais o coiro enchido de ar
tan espelido vos é
que del puido se zafar.
Pobre coiro rebuldeiro,
un demo tróuxote acá.
Obreiro entre xentes ben,
fuxe de aquí! Vaite xa!
Amplo é o firmamento
e as distancias siderais.
Faite estrela ou sol de ouro,
sen porteiros nin paspáns!
Cabada Castro, Manuel
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
