Muiñeiro das alturas
Cabada Castro, Manuel - miércoles, 17 de julio de 2024
Muiñeiro che fun de montes altos
pra auga limpa traer ó meu muíño,
mais negros enzoufáronmas vampiros,
dende noites pechas aquí chegados.
Ledas augas eran; cantaban ben.
Irmás da fenta e das troitas esquivas.
Bebían delas as raiceiras vivas
dos castiñeiros e carballos meus.
Mais por fonchos cabaleiros portados,
eucaliptais samesuga aí están
pra vida, sangue e auga nos zugar.
Virará o paraíso en camposanto?
Cabada Castro, Manuel
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
