Opinión en Galicia

Buscador


autor opinión

Editorial

Ver todos los editoriales »

Archivo

Viaxe de ida e volta

jueves, 11 de julio de 2024
Realmente a vida podemos comparala cunha viaxe de ida e volta.
Chegamos a esta vida sen pedirnos permiso e un día máis ou menos próximo facemos a viaxe de retorno sen dereito a reclamación.
Estamos programados para volver á orixe.
A nosa orixe é a eternidade e o noso destino, tamén.
Mentres non chega o momento do retorno pasamos por este mundo terrenal facendo multitude de viaxes.
Partimos dun centro de referencia como é o noso fogar e desde el ímonos desprazando para realizar a misión que temos encomendada: a nosa realización persoal.
-IMOS PARA A ESCOLA POLA MAÑÁ E VOLVEMOS POLA TARDE.
Cando imos levamos unha misión que cumprir e o remate da xornada volvemos ó fogar para ter que repeti-la operación durante a nosa etapa de fromación. Así, tódolos días: ida e volta
-IMOS Ó NOSO POSTO DE TRABALLO E VOLVEMOS Ó FOGAR.
Así cada día durante an nosa vida laboral.
E feliz o que ten traballo que, según Santa Teresa de Calcuta, é o mellor entretemento.
Pobre do que non o ten, que de rendas viven moi poucos.
-IMOS A FACE-LA COMPRA E VOLVEMOS PARA A CASA.
Compramos hoxe, compramos mañá, compramos e consumimos e así tódolos días.
-IMOS DE VIAXE E TEMOS QUE ACORDARNOS DE VOLVER.
Cando imos, imos encantados e cando volvemos, volvemos felices e cansados; pero xa pensando cando poderemos repetir.
-HIXIENIZÁMONOS E Ó POUCO TEMPO VOLTA A REPETIR A OPERACIÓN: estamos manchándonos e hixienizándonos constantemente. Sempre a mesma canción.
-FACEMOS LIMPEZA DA CASA para ter que repetila con certa frecuencia e así ó longo de toda unha vida.
-COMEMOS A MEDIODÍA e repetimos a operación á noite e así tres veces ó día e tódolos días da nosa vida.
-PASA UNHA XERACIÓN QUE GOZA DE PROSPERIDADE; pero a seguinte ten que volver a empezar a súa propia vida.
E así pasa con todo o perecedeiro.
Nada material hai duradeiro nesta vida.
E AÍNDA HAI MÁIS:
Nacemos sen nada, pasamos a vida acumulando bens e ó remate, deixamos todo: viaxe de ida e retorno.
Estudiamos para acumular coñecementos e decatámonos de que cada vez, sabemos menos.
Nacemos sós, pasámo-la vida rodeados de persoas e morremos sós: viaxe de ida e volta.
¿MERECE A PENA LOITAR POR BENS PRECEDEIROS?
Claro que si; pero dando a cada cousa o seu valor relativo.
Gañarse o pan de cada día é unha necesidade e tamén un deber vital.
Ter o necesario para levar unha vida digna, tamén é moi humano.
Acumular bens pensando que lle imos deixar a vida resolta ós que veñan detrás: grave erro.
Cadaquén ten o deber de gañarse o pan coa suor da súa fronte.
O que non costa, non se valora.
¿QUÉ LEVAREMOS NA VIAXE DE RETORNO FINAL?
-Todo canto ben fixemos.
-Todo o amor que repartimos.
-Todo canto nos esforzamos por mellorar a calidade de vida dos que nos redearon no camiño da vida.
-Toda a felicidade que demos e todo canto axudamos a ir polo bo camiño.
¡POR QUE E PARA QUE?
Porque fomos creados para esa misión de ser felices e facer felices ós demais.
Para ser felices, hai que amar canto máis, mellor.
Alguén leva conta de todo.
Din os que non cren en Deus, que algo hai.
Ese Algo é Alguén, a quen ninguén viu porque é Espírito que está presente en todo.
Leva conta de todo e, por eso: nada cae en saco roto.
Somos criaturas divinas que estamos destinados á eternidade.
O Ser que nos regalou a vida, regalóunola para sempre porque a vida é moito máis que o alimento material.
Somos limitados, sí; pero non todo acaba aquí.
O noso corpo morre, pero a alma, non.
"LIMITADOS, PERO ETERNOS"
Este será o título do seguinte artigo.
Moitas grazas por terme na súa consideración nesta ocasión.
Cachaza Platas, Mercedes
Cachaza Platas, Mercedes


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PUBLICACIONES