Fraternidade

(a Sira)

Benquerida miña rula:

Dura foi a nosa vida,
Nacendo necesitados
E medrando con mesura.

Pero, ó fin, fomos felices,
Pois ben pouco nos fartaba.

Moito é o que eu che debo:

Co cagarolas que eu fun,
Ti sempre fuches pra mín
Media irmá e media nai.
Avogada dos meus preitos,
Defensora dos meus fallos.

Pasaches a vida enteira
Sen permitirte gozar:
Sufrindo sempre en silencio,
Traballando sen parar.

De xeonllos diante da Cruz
(disque é moi milagreira)
Pregando por todos nós:
Polos teus seres queridos,
Polos que estamos aquí,
Polos que están máis aló.

Deus cho pague, miña nena,
Por todo o ben que fixeche.

Eu síntome moi ditoso
De ter a mellor irmá
Que Deus puxo neste mundo.