Fontenla montaraz do Peón
Cabada Castro, Manuel - miércoles, 05 de junio de 2024
(No Peón, 8 xuño 24, Rapa das bestas de Sabucedo dilles non ós eólicos)
Fende o silencio un rincho cabalar
e alá na altura xira un voitre só.
No meu ánimo ledicia hai e dor,
cansazo, plenitude e ben estar.
Coa fontenla un pouquiño máis alá
no máis íntimo revive a emoción.
Ela comigo e eu con ela só.
Na fronte bícoa sen eu me arredar.
Cantora fonte de augas agachadas,
abrollas leda na albura dos seixos,
frescuras esparexendo asombradas.
Clara e virxinal a súa faciana.
Á fonte xunguido revivo enteiro
no verdeante tálamo da braña.
Cabada Castro, Manuel
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
