Opinión en Galicia

Buscador


autor opinión

Editorial

Ver todos los editoriales »

Archivo

¡Árdelle o eixo!

jueves, 16 de abril de 2009
Jesús Fernández, Suso de Foz, cronista oficial do concello focense, ven de recibir da asociación Os Aventados o premio “Árdelle o eixo”, que teñen instituido para premiar persoas destacadas en iniciativas e realizacións a favor da súa comunidade e dos galegos en xeral. Teñen tamén o premio “Árdelle o carro”, que non significa o mesmo, e que lle concederon a Begasa, empresa subministradora de enerxía eléctrica na costa lucense.

Os Aventados é un colectivo da mariña lucense formado por artistas, xentes de letras e da cultura, preocupados por mirar arredor de si, que reciben o nome por entender que un vento especial lles afecta para ter esas tamén especiais preocupacións, e influidos polo vento -aventados- entran nunha dimensión nova e profunda desde a que as cousas se ven con moita maior claridade.

O premio “Árdelle o eixo” a Suso Fernández, colaborador asiduo de GaliciaDigital, énchenos de ledicia por merecido, porque Suso, o primeiro focense e o primeiro mariñeiro da costa lucense é o alma mater das feiras do libro en Foz, creou a primeira imprenta, foi corresponsal de radio e prensa, animador cultural durante medio século, e o mellor relacións públicas que as terras do norte lucense pudieron atopar.

“Árdelle o eixo” foi de sempre un berro de guerra na nosa terra para indicar que “aí queda iso”, que así se demostra a forza, que a ver quen mellora o noso. En Suso de Foz xúntanse todos os elementos de valor precisos para convertilo en símbolo. E os Aventados recoñéceno e proclámano.

Por moitos anos, Suso de Foz, movido por eses especiais ventos mareiros dos Aventados. ¡Árdelle o eixo, Suso!.

Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania