Pontepedre, auga e pedra

Baril lembranza de augas e mais ceos,
velaí estás ti, Pontepedre, un badal
-contra a incuria resistente e o banal-
clamando a non sermos a ti alleos.

Silente presenza dos vellos tempos,
arco da vella, coroa do andar,
do común nós fluírmos cara ó mar,
da arte cantareira do canteiro.

Ó teu abeiro a troita vive en paz
mentres o sobranceiro arco teu
disparou o azul picapeixe ó ar.

Cana en man pasei un día ó teu lado.
Nin troita nin picapeixe vin xa.
Pra sempre fiquei de ti namorado!