Reino animal
Silva, Manuel - lunes, 20 de mayo de 2024
Na pequena aldea de Vaicheboa
Había moi poucos veciños pero, en troques,
Había moitos animais.
Aquilo era un verdadeiro Reino Animal.
Había moitas..., moitas moscas.
Avespas e mosquitos. Tabáns e avelaíñas.
Miñocas, lagartos e lagartas.
Grilos, víboras e serpes.
Había carrizos, gorrións e merlas.
Mouchos e bubelas. Cucos e curuxas.
Perdices e paifocos.
Pegas marxas e rabilongas.
Había rulas e palomas.
Galos e galiñas.
Carrachas e vermes.
Aguias e voitres.
Había corvos, formigas e ratos.
Vacas, porcos e ovellas.
Lebres e coellos.
Carneiros e cabras. Cabritos e cabróns.
Había cans e gatos.
Píntegas, sapos e ras.
Pulgas e piollos.
Lavandeiras e corvos.
E -a pesar de que as moscas, avespas e mosquitos
picábanme con frecuencia-
moitas veces, mentres fun neno, sentinme
coma un pequeno Príncipe dese diminuto REINO ANIMAL.
Silva, Manuel
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
