Opinión en Galicia

Buscador


autor opinión

Editorial

Ver todos los editoriales »

Archivo

Do ut des

miércoles, 08 de abril de 2009
Están ben os pactos dos políticos, porque supoñen dialogo previo, negociación. Pero só se estes pactos evidencian altura de miras, desexo de prestar un servizo á sociedade que coidan representar, aportación de elementos ó ben común. Pero hai outros pactos “de arte menor”, que requiren a mesma capacidade de diálogo pero están orientados ó beneficio persoal ou partidario. Eses son menos admirables.

Con arreglo ós resultados electorais do un de marzo e á Lei, o Bng ía quedar sen representación na mesa do Parlamento de Galicia, cos beneficios de todo tipo -especialmente económicos- que esa situación trae consigo. E o PSOE, xentilmente, cédelle ós nacionalistas un posto que lle correspondería legalmente para que o Bng estea representado na mesa que goberna a nosa primeira institución.

Dese xeito, o Bng apoiará ó PSOE nas eleccións de membros do Consello de Contas, na Radiotelevisión de Galicia, e sobre todo manterase un clima de falsa bonanza entre as dúas forzas políticas que aínda teñen moitos intereses comúns na gobernación de diversas institucións municipais galegas.

Perfectamente lícita, legal, presentable, a situación orixinada porque cada forza política é quen de distribuir os postos conseguidos en loita lícita e legal a través das urnas. E ata hai que pensar que ten a súa lóxica solucionar problemas ou desfases orixinados por unha Lei electoral que prima as maiorías e minora ós máis pequenos, neste caso o Bloque.

Pero como cantaba Xosé Afonso naquela Grándola que pasou á historia, “o pobo é quen máis ordena”, e está atento a todo o que pasa. Logo, que ninguén se extrañe de que o pobo decida o que lle gosta e o que non. O pobo é soberano. E reina poucas veces, pero reina ó fin.

Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania