Un cacho de ceo na Terra

Á Coruña

Dende As Lagoas
vexo o Monte San Pedro,
vexo o Atlántico e máis Riazor.

Tamén vexo As Escravas
e os corpos espidos
bebendo a brisa do mar.

Dende o Monte San Pedro
vexo a Casa do Home,
vexo a Casa dos Peixes e mailo Orzán.

Tamén vexo os Salesianos,
e vexo as praias
do Matadoiro e das Amorosas.

Dende 'Marineda'
vexo a literatura de Emilia Pardo Bazán
e a filantropía de Teresa Herrera.

Dende Elviña
vexo o Xardín de San Carlos
e a tumba de John Moore.

Tamén vexo a Maestranza,
a Praza de María Pita
e o Castelo de San Antón.

Dende os Cantóns
vexo os Xardíns de Méndez Núñez
e o Parque de Santa Margarida.

Dende arriba e dende abaixo
vexo a Torre de Hércules,
vexo o sol, a lúa e as estrelas.

Tamén vexo as gaivotas
cando van a pescar peixes.
E vexo o cemiterio onde os mortos ven o mar.

Dende un lado e dende o outro
na Coruña eu sempre vexo
que o Ceo está na Terra.