Infinito Bruno irmán!
Cabada Castro, Manuel - martes, 23 de abril de 2024
Facho acendido no Campo das Flores!
A pira vergoñenta, ceo, apaga
dos ignorantes xurdida en xuntanza
contra os brunianos heroicos furores!
De astros e estrelas o lume das noites
en ti xurdir fixo a rexa palabra
da infinitude divinal creada
contra a chusma anana dos detractores!
Libre e baril para sempre o teu nome!
Bolboreta inqueda e xenio de altura.
Cás labaradas sempre ti máis forte!
Se dos libros din, irmán, que arden mal,
o teu xenio non casa ben coa morte.
Entre nós para sempre vivirás!
Cabada Castro, Manuel
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
