Opinión en Galicia

Buscador


autor opinión

Editorial

Ver todos los editoriales »

Archivo

No Pedregal de Irimia

miércoles, 18 de marzo de 2009
Mítico lugar da nosa terra, o Pedregal de Irimia, primeira fonte do Miño. Neste especial natalicio, o proceso non comeza na fonte cando a auga sae ó exterior. Hai un necesario proceso xurdidor, unha corrente baixo as pedras que ó facerse escoitar nos fai sentir a forza do río nonnato.

Teño subido pedras arriba a escoitar as augas. Deitado nas penas, óese fluir aló debaixo a corrente imparable que desde aquela altura debece o mar.

E se outras augas alimentadoras do Miño agurgullan en Fonmiñá como unha aportación visual ó Pai de auga desta terra, é no Pedregal meirego onde un mellor entende que o río que alí brota nace para ser rei, cun duro aprendizaxe de longo camiño, no que vai medrando e morrendo; medrando como río, esvaéndose como rei ata chegar ó mar que é o seu morrer.

No Pedregal, se un é crente, ve a man de Deus que exprimindo na terra fai nacer un fillo predilecto. Para os non crentes é a natureza a que se pon de parto. Para todos, flúe a vida que non atopa mellor xeito de manifestarse que nunha corrente de auga que nos identificará para sempre.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania