A un vello reloxo de parede
jueves, 28 de diciembre de 2023
Cofre enfesto do vivir,
na saudade e no silencio,
momia viva do aí estar,
bisbar lento dos segredos.
O teu manso calar fala.
Neno es ti e mais avó.
Vivo estás en soidade,
es alento e mais candor.
Alentares ben entendo
mentres oio o teu tictac.
Vives ti e eu tamén.
Flúe a vida no meu lar.
Mentres ti á beira esteas,
dando vida gota a gota,
andarei ergueito sempre,
hoxe, mañá, mais agora.
Da miudeza do cotián
estantiga ergueita es ti.
Do pasar do día a día
e do que será de min.
Morte e vida xuntas andan
en compaña fantasmal.
El non será que os que finan
son somentes os demais?
Cabada Castro, Manuel
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
