Temos a obriga de votar

E de pedir que se vote. Temos a obriga de votar todos os galegos con posibilidade legal de facelo. Temos a obriga de pedir que se vote todos os que estamos no mundo da comunicación, e temos unha responsabilidade pública.

Os galegos non temos outro medio de expresar legal e colectivamente a nosa opinión. Somente unha vez cada catro anos podemos pronunciarnos sobre quen vai gobernarnos e como debe facelo.

Todos sabemos que se vota, como se vota, a quen se vota. E por eso a expresión secreta da nosa opinión, feita en conciencia, elixindo unha papeleta e depositándoa na urna, é o xeito responsable de participar no goberno do País. Nada máis. E nada menos.

Este domingo, Galicia -como cada catro anos- xógase o seu futuro inmediato. Porque só a forza dos votos marca a liña a seguir na gobernabilidade da Xunta, na evolución socioeconómica de Galicia, nos temas que máis directamente nos afectan.

Non é que despois de votar desaparezan as nosas responsabilidades públicas, que temos que ter un comportamento cidadá, colaboración cos poderes públicos, contribución na medida das nosas capacidades económicas. Pero eso é o comportamento diario, cotián, que todo galego ten que ter por pertencer a esta comunidade vival.

Pero a ocasión única de participar de xeito decisivo na marcha do país é acudir este domingo e votar cada quen segundo o seu bo saber e entender.

Vémonos nas urnas o domingo, 1 de marzo. ¡Feliz Día de Galicia en marcha!.