Aqueles pisotes de amorias
miércoles, 13 de septiembre de 2023
Con morados morros volver á casa
de bicos non proviña termos dado
a ferventes amores atopados,
mais do encanto da amoria degustada.
Froito purpúreo da ardente silveira,
de valados e recunchos amiga,
de noite dáste enteira e mais de día
a quen humilde pasa á túa beira.
Fóra ti dos circuítos mercantís,
en terra agreste, moi azuis os ceos,
ofréceste dadivosa e xentil.
Imos festa contigo celebrar
-compañeiros todos, non hai alleos-
no inxel sacrificio da pedra-altar!
Cabada Castro, Manuel
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
