A Francisco Fernández del Riego

Nosa e universal a súa cultura
Grande orador. Antólogo. Ensaísta.
Leal e invariábel galeguista,
que historiou nosa Literatura.

Son Galaxia e Penzol a singradura
cotián deste Don Pao. Xornalista,
que acadou ser logrado novelista,
logrando o "Día" en plena Ditadura.

Home exemplar, de limpa traxectoria,
ardente namorado de Galiza,
a ella brindache a nobre executoria

de loitar por seu ben e a súa xustiza.
E, en xusto pago, hate premia-la Historia.
E a Historia te bendí e te eterniza!