A pesar de todo ¡Feliz 2009!

Poucos anos terán chegado con peores presaxios e cargados de negrura. Porque se 2008 foi o ano da crise, todos os augurios e os augures cargan as tintas cando falan do ano que comeza.

E sen embargo, temos que convivir con el, convivir dentro del e procurar que sexa o mellor ano da nosa historia.

Porque os anos non son malos ou bos en si senón que os facemos bos ou malos os que intervimos -cadaquen no seu papel- no seu decurso. E todos somos actores dunha representación interminable que durante un tempo determinado se enmarca nunha convención á que chamamos “Ano”.

E como o que agora se expresa non é unha certidume senón un desexo, en Galicia Digital témolo moi claro. Desexamos a todos os internautas como para nós mesmos un Feliz 2009. A pesar de todos os presaxios, por todo e para todos, a pesar de todo, ¡Feliz 2009!.