Tese dirixida por Carmen Blanco e Claudio Rodríguez Fer.
O luns, 27 de febreiro, 11 h., no Salón de Graos da Facultade de Humanidades de Lugo, terá lugar a defensa da tese doutoral Luz Pozo Garza: obra non reunida e dispersa nas revistas culturais. Exhumación, recompilación e catalogación, de Cristina Negreira Barcia, dirixida polos escritores Carmen Blanco e Claudio Rodríguez Fer, doutores especialistas na poeta, e dentro do Programa de Doutoramento en Estudos Culturais: Memoria, Identidade, Territorio e Linguaxe.
