Xente sen voz. Voces diluídas.

Sempre pensei e sigo pensando que temos a sorte de vivir no sistema político máis xusto: a democracia. Como se dunha moeda se tratase, a este firme convencemento sucédelle unha cruz: mágoa que un sistema político xusto non sexa capaz de derivar nun sistema económico igualmente xusto.

Tiramos do fío e vemos que a man que move todo é o sistema económico que parece que ten todo "atado e ben atado". Agora ben, sabemos cantos escanos representan a nosa provincia no Congreso? Sabemos quen os ocupa (a persoa non o partido)? Sabemos que temos dereito a presentar a través deses escanos problemas, propostas e inquedanzas? Sabemos que isto é o constitucional?

Podemos sabelo ou non pero a realidade é que os escanos dilúense na disciplina de partido como os terróns de azucre no café.

Se cadra hai que empezar a informarse e esixir...

Por certo, no Congreso Coruña ten 8 escanos, Pontevedra 7 e Lugo e Ourense 4 cada unha. A maiores cada provincia ten 4 senadores...

Queremos ter voz?