Presentación de Nós e álbums de guerra de Castelao (Galicia mártir, Atila en Galicia e Milicianos), por primeira
vez reunidos, publicados conxuntamente por Ediciones Akal con motivo do 50 aniversario da editorial, e prologados polos escritores Carmen Blanco e Claudio Rodríguez Fer, profesores da USC.
Anteriormente, Carmen Blanco escribira sobre o humor e a muller en Castelao, mentres que Claudio Rodríguez Fer editara Verbas de chumbo, reunindo os escritos de Castelao durante a guerra civil.
Polo seu incansable e comprometido labor memorialista ambos recibiron compartido o Premio Galicia Mártir da Fundación Alexandre Bóveda.
A presentación terá lugar o xoves 9 de febreiro ás 19 h. no Museo do Pobo Galego, situado na Costa de San Domingos de Bonaval en Santiago de Compostela.
