Opinión en Galicia

Buscador


autor opinión

Editorial

Ver todos los editoriales »

Archivo

Premio Trapeiro de Honra 2023

martes, 24 de enero de 2023
O próximo sábado, acto de entrega da VIII Edición do Premio Trapeiro de Honra en Momán

Manuel Fernandez Corral (Manuel de Lea) recibirá a título póstumo este ano o premio Trapeiro de Honra na súa oitava edición, que concede o colectivo Os Vilares Lareira de soños.

Nado no lugar de Lea nos Vilares, Manuel foi unha das persoas máis queridas e Premio Trapeiro de Honra 2023respeitada tanto na súa parroquias de nacemento como na de residencia, Momán, no concello de Xermade.

Labrego, zoqueiro e comerciante, foi un dos principais informantes de Pastora Veres para o seu libro Lareira de soños debido á súa prodixiosa memoria e sabedoría da contorna.

O acto de entrega será o 28 do mes de xaneiro e terá lugar ás 12:30 na capela ao pé da feira de Momán, un lugar preto da súa casa, onde será entregada á família unha peza exclusiva elaborada pola artista Viki Rivadulla.

No acto está previsto que participen o alcalde de Xermade Roberto García; a alcaldesa de Guitiriz, Marisol Morandeira, a escritora Pastora Veres, amiga de Manuel e o crego de Momán Luis Angel Rodríguez Patiño.

En anteriores edicións este premio recaeu en Xosé María Díaz Castro (tamén póstumo), Romaría Labrega da Chaira, Pepe de Cristos, Asunción dos Ares, Raúl Río, Sara das Reixas e Germán Castro.

"Manuel de Lea representa a unha xeración de homes que sofreron a guerra, a posguerra, a emigración nas súas famílias e outros traballos para sacar adiante a súa tribo, e no seu caso queda do viúvo con un grande número de fillos. Home afable e agarimoso, sentimos unha grande mágoa por non poder entregarlle o premio en vida, aínda que queremos trasladar a quenes o trataron a nosa sentida homenaxe.

Manuel representa a unha xeración de homes do rural que loitaron por sacar adiante ás súas familias En tempos moi duros e simboliza a essa heróis silenciosos cuxa maior satisfacción foi sempre ver felices a quenes o rodearon, família e xentes coas que compartou un tempo da súa longa vida”, din dende o colectivo organizador.
Os Vilares, Lareira de Soños
Os Vilares, Lareira de Soños


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania