Para Isidro Novo...

POEMA PARA ISIDRO NOVO,
AMIGO E COMPAÑEIRO ENTRAÑÁBEL. IN MEMORIAM


Fuches grande escritor e grande amigo.
Un lugués esencial. Esclarecido.
Da túa familia após, Lugo ten sido
un grande amor, que sempre foi contigo.

Poeta,narrador e xornalista
-máis radio e tradución- en ti fulgura
unha autenticidade plena e pura,
alta valía, un singular artista.

Inmenso amor á Lingua e a Galiza
sempre no teu vivir, e nel se encerra
apaixonante convicción na liza.

Teu nobre corazón sempre se aferra
ás sendas da beleza e da xustiza
e ó mutuo amor de Loly aquí na Terra.


Os Tilos, 31/Outubro/2018