Rendabilidades e condutas obscenas

Veño de ver unha viñeta humor firmada por Parrilla. Nunha oficina de emprego dúas persoas manteñen a seguinte conversa:

- Los servicios públicos no salen rentables. -Di un-
- Claro, por eso las empresas privadas compiten por su gestión. En el fondo les gusta perder dinero.

A idea é clara e remítenos o artigo da semana pasada: nunha democracia a satisfacción dos dereitos sociais non se lle pode deber a ninguén. Se a privada acepta a xestión de diversos servizos faino por propio beneficio e a administración debe supervisar que esa concesión cumpra cos acordos correspondentes.

Pola privada non se preocupen: deféndese soa. Preocúpense por ter xestoras e xestores públicos que impulsen a accesibilidade universal aos dereitos constitucionais. Isto só se pode facer a través dos servizos públicos apoiados, nas situacións que sexa necesario, por entidades sen ánimo de lucro ás que tamén deberíamos esixir unha rendición de contas. Podo dicir que as realmente implicadas son transparentes e, por certo, cando hai logros, son colectivo; non para maior gloria...