A gadaña chapodou no paraíso
martes, 31 de mayo de 2022
En lembranza dos nenos masacrados en U.S.A.
Calou coma chumbo o ceo
e o sol deixou de alumar...
Hai margaridas tronzadas
vogando enriba do mar.
A gume vil de gadaña
lenes caeron no herbal,
feridas todas a eito
por ferreños gabiáns.
Ai ceos, por que calades
e non ousades falar?
Falan, si, os que defenden
o dereito a gadañar.
Gadañeiro, gadañeiro,
gadaña no teu herbal.
Déixalles medrar ás flores
nos lameiros dos demais.
E ti, fiel anxo e valente,
que gardas o paraíso,
non deixes que nel se adentre
ninguén co ferro acendido.
Os ferros á ferreiría!
Os anxos alá no ceo
e dentro do paraíso
alí e moi dentro os nenos!!!
Cabada Castro, Manuel
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
