Opinión en Galicia

Buscador


autor opinión

Editorial

Ver todos los editoriales »

Archivo

¡Tanto que aprender!

jueves, 12 de mayo de 2022
É ben certo que ninguén nace aprendido.
Tamén é ben certo que todos precisamos aprender:
Estamos aprendendo toda a vida e nunca dámos aprendido.
Non dámos aprendido porque repetimos os mesmos fallos ó longo da historia da humanidade.

Desde que Caín lle tivo envexa a Abel, as envexas aínda non desapareceron.
Desde que a soberbia levou a construir a Torre de Babel, seguimos construíndo castelos no aire.
E cando construímos "castelos no aire", derrúmbanse ó primeiro refacho que pasa.
Cando construímos a vida "sobre áreas movedizas", imos dando tumbos pola vida.

¿Qué gañou Caín con matar a Abel?
¿Non lle sería mellor celebrar e compartir os éxitos de seu irmán?
¿Qué gañaron construíndo a Torre de Babel?
¿Non lles era mellor convivir compartindo?

A historia está chea de fracasos derivados dos erros dos nosos antepasados; pero nós...
Nós teremos que ir aprendendo algo cada día para ser un pouquiño mellores e tamén algo máis felices.

Teremos que educarnos desde a máis tenra infancia ata o remate dos nosos días naqueles valores que teñen vixencia toda a vida e fan esta máis satisfactoria e levadeira.

Teremos que dicirlle ás criaturiñas e tamén a nós mesmos:

- Que para ser boa persoa hai que face-las cousas como Deus manda, porque a Lei de Deus levámola impresa nos nosos corazóns.
Se antes de actuar consultamos co corazón, oiremos a voz da conciencia.

- Que cada persoa é diferente pero merece o noso respecto; porque todos temos moitas cousas boas para compartir para enriquecernos mutuamente.

- Que conserva-las boas maneiras é propio de persoas de corazón noble; aínda que eso non signifique comulgar coas persoas diferentes; trátase de ser corteses e respecta-las diferenzas.

- Que cada persoa ten unhas capacidades diferentes e o importante é que as saiba aplicar na vida diaria para que poida desenrollar os talentos que lle regalou a vida.

- Que tódalas profesiósn e tódolos oficios son bos cando poñemos amor no que facemos, porque: cando poñemos amor no que facemos, estamos dando vida.

- Que ninguén é máis nin menos que ninguén con tal de que use a cabeza en sincronización co seu corazón.
Convén te-la mente moi clara e poñer o corazón en todo, porque a veces o corazón ten razóns que a mente non entende.

- Que é moito máis importante "o ser" que "o ter".
Para ser boa persoa e defenderse ben na vida non é imprescindible ter moito nin máis que ninguén.
O que cómpre é ser unha persoa responsable e cumpridora dos nosos deberes para con nós mesmos e para coas persoas que nos rodean.

- Que todo o que facemos ten as súas consecuencias, tanto positivas como negativas e nada cae en saco roto.
Se obramos ben, recibimos ben e se obramos mal, recibimos mal.

- Que o perdón e a tolerancia son unhas ferramentas moi poderosas para ter boas relacións coas persoas que encontramos nos camiño da vida.
Máis vale perdoar e "cambiar de rota" -se fora necesario-, que enfrontarse.

- Que a fé é a arma máis poderosa por eso debemos cutivala sen esquecer a esperanza e tamén a caridade.
Canta máis forte sexa a nosa fe, mellor poderemos enfrontasnos ás contrariedades que nos presente a vida.
Canto mellor sexa a nosa esperanza, mellor será o noso estado de ánimo para non desfalecer ante as dificultades.
E canto más caritativos sexamos, máis ricos nos sentiremos polo feito de facer un pouco máis felices ós demais e tamén porque tivemos algo bo para dar ou para compartir con eles.
O que dá é porque ten e ademais trátase dunha persoa xenerosa.

"TER PARA DAR E DAR PARA TER"

Este será o título do seguinte artigo.
Moitas grazas por terme na súa consideración nesta ocasión.
Cachaza Platas, Mercedes
Cachaza Platas, Mercedes


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania