Saudade
Díaz Touceda, Esperanza - lunes, 31 de enero de 2022
Quixera sentarme ó teu lado,
arredor do lume,
e que as muxicas nos caian no pelo.
Quixera beber contigo no cano da fonte.
Quixera ir contigo ó muíño,
e que se cubra de foula o rodicio.
E ver caer o millo amodiño, amodiño
E ver nacer a fariña.
Quixera, na noite de San Xoán,
regalarche un ramo de rosas silvestres,
melicroques, flores de papel.
Margaridas que nacen na beira do trigo.
Cucas no toxal, quitamerendas,
flores das silveiras.
Quixera ver caer a tarde, ver esconder o sol
mentras sinto a calidez das túas mans.
Esperanza Díaz Touceda, Ferrol.
Díaz Touceda, Esperanza
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
