Un Nadal de verán

Non entendo porqué as televisións xeralistas sempre botan películas de Nadal relacionadas co inverno. Cientificamente sabemos que medio planeta celebra un Nadal de verán. Tamén sabemos que o motivo pagán destas festas é a chegada do equinocio. Do mesmo xeito que o lume do San Xoán nos agroma o solsticio.

Disto poucas veces nos decatamos porque toda a nosa realidade está preprogramada para unha única historia. Isto é o que Chimamanda Ngozi Adichie define como un perigo e ten razón. A lúa pode ter unha cara oculta pero a Terra non. O seu carácter esférico convídanos a vernos en plenitude pero a mentalidade terraplanista impídeo...

A mala nova é que esta mentalidade ten medios de comunicación que se encargan de propagar a historia única. Por iso é tan difícil recoñecernos na diferenza. Por iso hai quen coñece por plasma o Nadal de inverno e quen non é capaz de imaxinar un Nadal de verán.